Mingəçevirli abituriyent Burlaxatun Bəhruz qızı Məcidli Prezident təqaüdünə layiq görülüb.
Prezidentin müvafiq sərəncamına əsasən, ali təhsil müəssisələrinə qəbul imtahanlarında yüksək nəticə göstərən 102 tələbəyə Prezident təqaüdü verilib. Təqaüdə layiq görülənlər arasında qəbul imtahanlarında maksimum nəticə — 700 bal toplayan Mingəçevirli Burlaxatun Məcidli də var.
Burlaxatun Məcidlinin bu uğuru onun əzmkarlığının, zəhmətinin və məqsədyönlü hazırlığının nəticəsidir. Onun qazandığı nailiyyət Mingəçevir şəhəri üçün də sevindirici hadisədir.
Mingəçevirli tələbəmizi təbrik edir, ona gələcək təhsilində və həyatında yeni uğurlar arzulayırıq!
