Moskva Şəhər Məhkəməsi Rusiya vətəndaşı Georgi Piroqovu xarici kəşfiyyat xidmətlərinə casusluq etməkdə təqsirli bilərək 23 il müddətinə azadlıqdan məhrum edib.
Ölkə.az xəbər verir ki, bu barədə Rusiya Federal Təhlükəsizlik Xidmətinin (FSB) İctimaiyyətlə Əlaqələr Mərkəzi məlumat yayıb.
Bildirlir ki, Moskva Şəhər Məhkəməsi 1989-cu il təvəllüdlü Rusiya vətəndaşı Georgi Vladimiroviç Piroqova qarşı Polşa kəşfiyyat xidmətləri ilə əməkdaşlıq etdiyinə görə 23 il həbs cəzasına, ciddi rejimli koloniyasında cəza çəkməyə, 800.000 rubl (təqribən 16 220 AZN-red) cərimə və iki il müddətinə azadlığın məhdudlaşdırılmasına məhkum edib.
Piroqov Rusiyanın Ukraynaya qarşı istifadə etdiyi qabaqcıl silah sistemləri haqqında məlumat toplayaraq raket sistemlərinin istehsalı və istifadəsi barədə məlumat əldə edərək Polşaya ötürməkdə ittiham olunub.
