Mingəçevir şəhər Təbiət-riyaziyyat və humanitar elmlər təmayüllü liseyinin daha bir şagirdi uğuru ilə diqqət mərkəzinə düşüb.
Liseyin məzunu Burlaxatun qəbul imtahanlarında yüksək nəticə göstərərək təhsil ocağının növbəti uğuruna imza atıb. Onun əldə etdiyi nəticə həm müəllim kollektivinin, həm də valideynlərin böyük sevincinə səbəb olub.
Xüsusilə qeyd edək ki, Burlaxatun bundan əvvəl keçirilən buraxılış imtahanında maksimal nəticə – 300 bal toplamışdı. Bu göstərici onun bilik və bacarıqlarının, eləcə də liseydə yaradılan keyfiyyətli təhsil mühitinin bariz nümunəsidir.
Mingəçevir şəhər Təbiət-riyaziyyat və humanitar elmlər təmayüllü liseyi illərdir respublika üzrə yüksək nəticələr göstərən şagirdləri ilə tanınır. Burlaxatunun uğuru da bu ənənənin davam etdiyini bir daha təsdiqləyir.
Burlaxatunu qazandığı uğur münasibətilə ürəkdən təbrik edir, gələcək təhsil həyatında ona yeni nailiyyətlər arzulayırıq!
Esmira Hidayətova, Mingəçevir
