Sözügedən dövrə bankın cəmi aktivləri 1 mlrd 616 mln 627 min manat olub.

Bu da ötən ilin eyni dövrü ilə müqayisədə 31% çoxdur. Bankın müştərilərə verilmiş kreditlərinin həcmi isə illik müqayisədə 30,3% artaraq 949 mln 35 min manat təşkil edib.

Bankın cəmi öhdəlikləri isə illik olaraq 32,7% artaraq 1 mlrd 433 mln 375 min manata çatıb. Həmçinin bu dövrdə müştərilər tərəfindən yerləşdirilən depozitlərin həcmində də artım müşahidə olunub. Belə ki, depozit portfelinin həcmi son bir ildə 39% artaraq 30 sentyabr tarixinə 874 mln 104 min manat olub.

Cari ilin üçüncü rübünün yekununda “Ziraatbank”ın cəmi kapitalı 183 mln 251 min manat olub ki, bu da illik müqayisədə 18% çoxdur.

Sözügedən dövrdə bankın faiz gəlirləri 83 mln 165 min manat, faiz xərcləri 42 mln 175 min manat, qeyr-faiz gəlirləri 20 mln 514 min manat, qeyri-faiz xərcləri isə 24 mln 783 min manat olub. Bank mümkün zərərlər üçün ehtiyatların yaradılmasına ayırmalarını illik müqayisədə 1,7 dəfə artıraraq 10 mln 367 min manata çatdırıb ki, bu da bankın riskli aktivlərinin artmasından xəbər verir.

Mənfəətindən 5 mln 475 min manat vergi ödəyən bank cari ilin ilk 9 ayını 20 mln 957 min manat xalis mənfəətlə başa vurub.

Qeyd edək ki, “Ziraat Bank Azərbaycan” 2014-cü ildə yaradılıb. Onun nizamnamə kapitalı 65,5 milyon manatdır və səhmlərinin 99,98%-i Türkiyənin “Ziraat Bank”ına, 0,01%-i “Zıraat Sıgorta” şirkətinə, 0,01%-i isə “Ziraat Yatırım Menkul Değerler” şirkətinə məxsusdur.