ABŞ-nin aprel ayında İranda vurulan “F-15E Strike Eagle” təyyarəsinin heyətini xilas etmək üçün həyata keçirdiyi əməliyyatın bəzi detalları üzərindən məxfilik götürülüb və bunun bağlı görüntülər yayımlanıb.
Qırıcı 2026-cı il aprelin 3-də İran Hərbi Hava Qüvvələri tərəfindən vurulub.
Pilot dərhal xilas edilsə də, silah sistemləri zabiti (WSO) yaralı vəziyyətdə İran ərazisində qalıb.
Onun xilasına 300-dən çox ABŞ təyyarəsi cəlb edilib. Əməliyyat zamanı xüsusi təyinatlılar İran ərazisinə daxil olub. Helikopterlər yüngül artilleriya atəşinə tutulub və bəzi heyət üzvləri yaralanıb.
Vaşinqton bunu “ABŞ xüsusi təyinatlıları tarixində ən çətin və mürəkkəb missiyalardan biri” kimi təsvir edib.
Yeni yayılan görüntülərdə ABŞ Hərbi Hava Qüvvələrinin axtarış və xilasetmə qruplarının İran daxilində yaralı zabitə çatdığı və onu helikopterə apardığı görünür.
