Mingəçevirdə vətəndaşlarla birbaşa ünsiyyətin gücləndirilməsi məqsədilə növbəti səyyar görüş təşkil olunub. İyulun 1-də şəhərin Aydın Məmmədov küçəsi 5A saylı yaşayış binasının sakinləri ilə keçirilən görüşdə onları narahat edən məsələlər dinlənilib, müxtəlif təklif və müraciətlər müzakirə edilib.
Görüş zamanı sakinlər məhəllədə mövcud vəziyyət, sosial-məişət problemləri və həyata keçirilməsi zəruri hesab olunan işlərlə bağlı fikirlərini bölüşüblər. Səsləndirilən müraciətlər yerində araşdırılıb, qaldırılan məsələlərin həlli istiqamətində müvafiq addımların atılacağı bildirilib.
Səyyar görüş çərçivəsində ötən il bələdiyyənin dəstəyi ilə təmirinə başlanılan xeyir-şər evində görülən işlərlə də tanışlıq olub. Sakinlər təmir işlərinin qısa zamanda başa çatdırılması, həmçinin məhəllədə sakinlərin rahat istirahəti üçün oturacaqların quraşdırılması ilə bağlı təkliflərini diqqətə çatdırıblar.
Qeyd olunub ki, sakinlərlə birbaşa görüşlər onların müraciətlərinin operativ şəkildə öyrənilməsi və həlli baxımından mühüm əhəmiyyət daşıyır. Bu səbəbdən belə səyyar görüşlərin bundan sonra da Mingəçevir şəhərinin müxtəlif yaşayış məhəllələrində mütəmadi olaraq davam etdirilməsi planlaşdırılır.
İdealxeber
