Rusiya Azərbaycana Avrasiya İqtisadi Birliyinə yaxınlaşmaqda kömək etməyə hazırdır və ölkəni Avrasiya İnkişaf Bankının səhmdarları arasında görmək istəyir. Ölkə.az xəbər verir ki, bunu Rusiya xarici işlər nazirinin müavini Mixail Qaluzin deyib.

“Biz Azərbaycanın bu inteqrasiya birliyi (Aİİ) ilə yaxınlaşmasını mümkün olan hər şəkildə asanlaşdırmağa hazırıq, çünki inanırıq ki, bu, ortaq Avrasiya məkanımızda mövcud iqtisadi əlaqələri daha da gücləndirəcək”, -Qaluzin bildirib.

O, hesab edir ki, belə yaxınlaşma Azərbaycan iqtisadiyyatına da müsbət təsir göstərəcək, çünki ölkə ortaq mal bazarının üstünlüklərindən istifadə edə biləcək və nəqliyyat, xidmət və investisiya sahələrində əməkdaşlığı genişləndirə biləcək.

“Biz Azərbaycanın Avrasiya İnkişaf Bankında səhmdar olmasını görmək istərdik və inanırıq ki, belə bir addım bankın respublikadakı iri layihələri maliyyələşdirməsinə yol açacaq”, -rusiyalı nazir müavini vurğulayıb.