Yaponiya Meteorologiya Agentliyi (JMA) bildirib ki, Çiba prefekturasında 12 saat ərzində 348 millimetr yağıntı qeydə alınıb. Bu göstərici rekord hesab olunur və region üzrə avqust ayının orta aylıq yağıntı normasından təxminən üç dəfə çoxdur.

Çiba prefekturasının rəsmilərinin verdiyi məlumata görə, Çiba, Kaşiva, İçikava, Sakura və Yaçiyo şəhərlərində baş verən hadisələr nəticəsində ümumilikdə 8 nəfər ölüb, 4 nəfər isə yüngül xəsarət alıb.

Güclü yağışlar və torpaq sürüşməsi təhlükəsi ilə əlaqədar bölgədə elan edilən ən yüksək səviyyəli fövqəladə xəbərdarlıq bu gün səhər saatlarından etibarən aşağı səviyyəyə endirilib. Bununla belə, səlahiyyətli qurumlar mümkün yeni yağıntılar səbəbindən əhalini ehtiyatlı olmağa çağırıblar.