İranın Ali Milli Təhlükəsizlik Şurasının Katibliyi Tehran və Vaşinqtonun anlaşma memorandumunun mətni üzərində işi başa çatdırdığını təsdiqləyib.

Bu barədə İranın Ali Milli Təhlükəsizlik Şurasının bəyanatında deyilir: “Ali Milli Təhlükəsizlik Şurasının təsdiqinə əsasən, İran və ABŞ arasında müharibənin (İslamabad danışıqlarının) sona çatması ilə bağlı anlaşma memorandumunun mətni 15 iyun axşamı yekunlaşdırılıb”.

Sənəddə həmçinin qeyd olunur ki, Livan da daxil olmaqla, bütün cəbhələrdə müharibə və hərbi əməliyyatlar dərhal və birdəfəlik dayandırılır.
Bəyanatda vurğulanır ki, bundan əlavə, İranın dəniz blokadası dərhal və tamamilə başa çatır.
İran Təhlükəsizlik Şurası da memorandumun rəsmi olaraq 19 iyunda imzalanacağını təsdiqləyib.

Məlumata görə, yekun razılaşmanın bağlanması üçün danışıqlar ABŞ memorandum çərçivəsindəki öhdəliklərini yerinə yetirənə qədər təxirə salınacaq.

Bəyanatda İran həmçinin Pakistan və Qətərə vasitəçilik səylərinə görə minnətdarlığını bildirib.
“The New York Times” (NYT) verdiyi məlumata görə, BŞ-la sənədi İran parlamentinin sədri Məhəmməd Bağır Qalibaf və İranın xarici işlər naziri Abbas Əraqçi ABŞ ilə sülh müqaviləsi imzalamaq üçün Cenevrəyə səfər edəcəklər.
Görüşdə ABŞ-ni vitse-prezident C.D. Vens təmsil edəcək.

İmza mərasimi ABŞ və İran rəsmiləri arasında 47 ildən sonra ilk yüksək səviyyəli görüş ola bilər.