Heqset Pentaqonda keçirdiyi mətbuat konfransında əməliyyatın əsas məqsədlərinin İranın ballistik raket təhlükəsini aradan qaldırmaq, ölkənin hərbi-dəniz qüvvələrini sıradan çıxarmaq və Tehranın nüvə silahı əldə etməsinin qarşısını almaq olduğunu deyib. ABŞ Prezidenti Donald Tramp isə İranın raket proqramının sürətlə genişləndiyini və bunun ABŞ, eləcə də regiondakı Amerika qüvvələri üçün ciddi təhlükə yaratdığını bildirib.

Məlumata görə, münaqişə zamanı altı ABŞ hərbçisi həlak olub, daha 18 hərbçi ağır yaralanıb. Heqset yeni itkilərin ola biləcəyini istisna etməyib. ABŞ Birləşmiş Qərargah Rəisləri Komitəsinin sədri general Den Keyn isə Yaxın Şərqdəki Amerika hərbi qüvvələrinin daha da artırılacağını açıqlayıb.

Tramp əməliyyatların təxminən dörd-beş həftə davam edə biləcəyini, lakin zərurət yaranacağı təqdirdə bu müddətin uzadıla biləcəyini söyləyib. Heqset ABŞ-nin hazırda İran ərazisində quru qoşunlarının olmadığını da bildirib.