Türkiyədə aktyorlar Hafsanur Sancaktutan, Emir Can İğrek və sosial media fenomeni Ogün Alibaşın narkotik test nəticələri müsbət çıxıb.

“Haber Global” telekanalı xəbər verir.

Hər üç məşhur sima daha əvvəl narkotik istintaqı çərçivəsində keçirilən əməliyyat zamanı saxlanıldıqdan sonra məhkəmə nəzarəti şərti ilə sərbəst buraxılmışdı.

Məhkəmə Tibb Ekspertizası Qurumu bioloji nümunələr üzərində aparılan laborator araşdırmaların nəticələrinə əsasən rəsmi hesabat təqdim edib.

Rəsmi hesabatda qeyd olunub ki, üç məşhurun saç nümunələrində kokain və onun metabolitləri aşkar edilib.