Qidalanma ilə bağlı məlumatlar göstərir ki, tərkibi demək olar ki, tamamilə yağdan ibarət olan məhsullar 100 qramda təxminən 900-1000 kilokalori enerji verdiyi üçün dünyanın ən yüksək kalorili qida qrupudur.

Qlobal qida və qidalanma sənayesinin məlumatlarına əsasən, məhsullar enerji sıxlığına görə analiz edilərək kalori dəyərlərinə uyğun təsnif edilir. Araşdırmalar göstərir ki, yüksək kalorili qidaların nəzarətsiz qəbulu çəki artımına səbəb ola bilər.

Qidalanma üzrə qəbul olunmuş bölgüyə əsasən, məhsullar 100 qramındakı enerji miqdarına görə üç qrupa ayrılır: pizza

Aşağı kalorili qidalar – 100 qramda 150 kilokaloridən az enerji. Bu qrupa tərəvəzlər, meyvələr və az yağlı süd məhsulları daxildir.

Orta kalorili qidalar – 100 qramda 200-350 kilokalori. Ət, balıq, sərt pendirlər və un məmulatları bu qrupa aiddir.

Yüksək kalorili qidalar – 100 qramda 400 kilokaloridən çox enerji. Buraya şirniyyatlar, bal, mürəbbələr və çərəzlər daxildir.

Mütəxəssislər bildirirlər ki, qidanın tərkibindəki yağ faizi artdıqca onun ümumi kalori miqdarı da yüksəlir. Araşdırmaya görə, bazarda ən yüksək enerji dəyərinə malik məhsullar bunlardır:

Günəbaxan yağı

Zeytun yağı

Kətan toxumu yağı

Hindqozu yağı

Bu yağların 100 qramı təxminən 850-900 kilokalori enerji verir.

Eyni zamanda balıq yağı da 100 qramda təxminən 900 kilokalori ilə siyahının zirvəsində yer alır. Donuz piyi isə yağlılıq səviyyəsindən asılı olaraq 100 qramda 700-850 kilokalori enerji ehtiva edir.

Dünyanın ən yüksək kalorili yeməyi bitki yağında qızardılmış və yağı süzülməmiş yağlı ət parçaları hesab edilir. Həmçinin cəmi bir xörək qaşığı bitki yağı təxminən 130 kilokalori enerji verir ki, bu da bir kasa suda bişmiş yulaf sıyığının enerji dəyərinə yaxındır.

Mütəxəssislər kalori qəbulunu azaltmaq istəyənlərə salatlarda yağ əvəzinə qatıqdan istifadə etməyi, tərəvəzləri qızartmaq əvəzinə sobada bişirməyi və yağ sərfiyyatını azaltmaq üçün püskürtməli yağ dispenserlərindən istifadə etməyi tövsiyə edirlər.