Mingəçevir şəhərində baharın gəlişi münasibətilə genişmiqyaslı ümumşəhər tədbiri təşkil olunub. Şəhərin müxtəlif ərazilərində keçirilən tədbirdə Mingəçevir Şəhər İcra Hakimiyyətinin başçısı, şəhərin inzibati idarə və müəssisələrinin rəhbərləri, əməkdaşları, eləcə də şəhər ictimaiyyətinin nümayəndələri fəal iştirak ediblər.
Tədbirin əsas məqsədi şəhərin daha da abadlaşdırılması, yaşıllaşdırma işlərinin genişləndirilməsi və yaz mövsümünün gəlişi münasibətilə Mingəçevirin daha gözəl və səliqəli görkəm almasına töhfə vermək olub. Ümumşəhər tədbiri çərçivəsində şəhərin müxtəlif küçə və parklarında təmizlik və abadlıq işləri aparılıb, yaşıllıq sahələrinə qulluq göstərilib.
Xüsusilə qeyd olunmalıdır ki, keçirilən ümumşəhər tədbirində Mingəçevir Dövlət Universitetinin müəllim və tələbə heyəti də fəal iştirak edərək şəhər həyatına verdiyi töhfə ilə diqqət çəkib. Universitet kollektivinin bu cür ictimai təşəbbüslərə qoşulması ali təhsil ocağının şəhər ictimai həyatında aktiv mövqeyinin bariz nümunəsi kimi qiymətləndirilir.
Mingəçevir Dövlət Universitetinin kollektivi bu tədbirdə universitetin rektoru Anar Eminovun rəhbərliyi və təşəbbüsü ilə iştirak edib. Rektorun rəhbərliyi altında universitetin müəllim və tələbələri şəhərdə keçirilən ictimai və sosial əhəmiyyətli tədbirlərdə daim fəallıq nümayiş etdirərək, Mingəçevirin inkişafına və ictimai həyatının daha da canlanmasına öz töhfələrini verməyə çalışırlar.
Ümumşəhər tədbiri bir daha göstərdi ki, Mingəçevir Dövlət Universiteti yalnız elm və təhsil sahəsində deyil, həm də şəhərin ictimai həyatında mühüm rol oynayan, cəmiyyətlə sıx əlaqədə fəaliyyət göstərən ali təhsil müəssisələrindən biridir. Universitet kollektivinin bu cür tədbirlərdə mütəmadi iştirakı isə şəhər ictimaiyyəti tərəfindən yüksək qiymətləndirilir.
Qeyd edək ki, Mingəçevir Dövlət Universitetinin rektoru Anar Eminovun rəhbərliyi dövründə universitetin şəhər və respublika miqyaslı tədbirlərdə fəallığı daha da artıb və ali təhsil ocağı şəhərin ictimai həyatının ayrılmaz hissəsinə çevrilib. Bu isə universitetin cəmiyyətlə inteqrasiyasının və sosial məsuliyyətinin bariz göstəricisi kimi dəyərləndirilir.
Esmira Hidayətova, Mingəçevir
