Mingəçevir Şəhər İcra Hakimiyyətinin başçısı İlham İsmayılovun vətəndaşlarla növbəti səyyar görüşü mart ayının 5-də keçirildi.
Təbiət Riyaziyyat və Humanitar Elmlər Təmayüllü liseyində keçirilən görüşdə şəhər İcra Hakimiyyətinin başçısı İlham İsmayılov, hüquq mühafizə orqanlarının, dövlət idarə, müəssisə və təşkilatlarının, xidmət sahələrinin rəhbərləri və ərazi sakinləri iştirak etmişlər.
Görüşü giriş sözü ilə açan şəhər rəhbəri səyyar qəbulların məqsədinin, yerlərdə ortaya çıxan problemlərin öyrənilməsi və həlli istiqamətində addımların atılması olduğunu qeyd etmişdir.
Çıxış edən sakinlər təhlükəli ağacların budanması, kanalizasiya xəttlərindəki nasazlıqların aradan qaldırılması, işıqlanma, işlə təminat və digər problemləri diqqətə çatdırdılar.
İlham İsmayılov sakinləri narahat edən problemləri dinlədikdən sonra hər bir təklif və şikayətlə bağlı müvafiq qurumlara tapşırıqlar verib.
Vətəndaşlar yerlərdə sakinlərin müraciətlərinə baxılması üçün belə səyyar görüşlərin keçirilməsindən məmnunluqlarını bildirərək, göstərilən diqqət və qayğıya görə ölkə Prezidenti cənab İlham Əliyevə öz minnətdarlıqlarını bildirmişlər.
Esmira Hidayətova, Mingəçevir
