Amerika Psixologiya Assosiasiyasının nəzdində dərc olunan bəzi akademik araşdırmalara görə, mesajları gördüyü halda qəsdən gec cavab verən insanların daha yüksək səviyyədə eqo meyilləri nümayiş etdirə biləcəyi irəli sürülür.

Araşdırmada qeyd olunur ki, texnologiya vasitəsilə göndərilən mesajlara bilərəkdən gec reaksiya verən şəxslərdə sosial münasibətlərdə nəzarət yaratmaq və məsafə saxlamaq meyli daha qabarıq görünə bilər.

Eyni şəkildə, telefon zənglərinə qəsdən gec cavab verən və ya zəngləri cavabsız qoyan şəxslərin də oxşar davranış nümunələri sərgiləyə biləcəyi, bunun bəzi hallarda “özünü ön plana çıxarma” meyli ilə əlaqələndirilə biləcəyi bildirilir.

Bununla belə, mütəxəssislər vurğulayırlar ki, bu cür davranışları hər zaman “eqoistlik” kimi qiymətləndirmək düzgün deyil. Onların sözlərinə görə, şəxsin məşğulluq səviyyəsi, gündəlik iş yükü və ünsiyyət vərdişləri də bu məsələdə mühüm rol oynayır.