Bu gün Azərbaycan təhsil ictimaiyyəti üçün əlamətdar gündür. Azərbaycan Təhsil İşçiləri Azad Həmkarlar İttifaqı Mingəçevir Şəhər Komitəsinin sədri Həqiqət Şahmuradovanın doğum günüdür.
Uzun illərdir təhsil işçilərinin hüquq və mənafelərinin qorunması istiqamətində yorulmadan çalışan, pedaqoji kollektivlər arasında sağlam həmrəylik mühitinin formalaşmasına töhfə verən Həqiqət xanım, öz prinsipiallığı, qayğıkeşliyi və yüksək təşkilatçılıq bacarığı ilə seçilən rəhbərlərdən biridir. Onun rəhbərliyi dövründə müəllim və təhsil işçilərinin sosial rifahının yaxşılaşdırılması, problemlərinin operativ həlli istiqamətində mühüm addımlar atılıb.
Həqiqət Şahmuradova həm peşəkar fəaliyyəti, həm də insani keyfiyyətləri ilə kollektivin dərin hörmət və rəğbətini qazanıb. Səmimiyyəti, diqqəti və məsuliyyətli yanaşması onu ətrafında birləşdirən əsas xüsusiyyətlərdəndir.
Bu əlamətdar gün münasibətilə Həqiqət xanımı ürəkdən təbrik edir, ona möhkəm cansağlığı, uzun ömür, ailə səadəti və gələcək fəaliyyətində yeni-yeni uğurlar arzulayırıq.
Doğum gününüz mübarək olsun! 🌷
