Azərbaycan Dövlət Su Ehtiyatları Agentliyinin tabeliyində fəaliyyət göstərən “İri Şəhərlərin Birləşmiş Su Təchizatı Xidməti” publik hüquqi şəxsi tərəfindən su təsərrüfatı sahəsində səmərəli fəaliyyəti ilə seçilən əməkdaşlar mükafatlandırılıb.
“Su təsərrüfatı və meliorasiya işçiləri günü” münasibətilə keçirilən təltifetmə çərçivəsində Əhmədov Elmar İslam oğlu su təsərrüfatının inkişafına verdiyi dəyərli töhfələrə və səmərəli əmək fəaliyyətinə görə Fəxri Fərman ilə təltif edilib.
Təltif “İri Şəhərlərin Birləşmiş Su Təchizatı Xidməti” PHŞ-nin 04 iyun 2026-cı il tarixli, 168 nömrəli əmrinə əsasən təqdim olunub.
Qeyd edək ki, su təsərrüfatı və meliorasiya sahəsində çalışan əməkdaşların peşə bayramı münasibətilə təqdim edilən bu cür mükafatlar onların zəhmətinə verilən yüksək qiymətin ifadəsi olmaqla yanaşı, ölkədə su təchizatı sisteminin inkişafına və əhaliyə göstərilən xidmətlərin keyfiyyətinin yüksəldilməsinə verdikləri töhfənin təqdir olunmasının bariz nümunəsidir.
Əhmədov Elmar İslam oğlunun Fəxri Fərmanla təltif olunması onun uzunmüddətli və məsuliyyətli fəaliyyətinin, peşəkarlığının və işinə göstərdiyi yüksək məsuliyyətin növbəti dəfə qiymətləndirilməsi kimi dəyərləndirilir.
Esmira Hidayətova, Mingəçevir
