Idealxeber.az Aran Media-ya istinadən xəbər verir ki, Prezident İlham Əliyevin “İncəsənət xadimlərinə Azərbaycan Respublikası Prezidentinin mükafatlarının verilməsi haqqında” imzaladığı Sərəncamda tanınmış sənət adamlarının adları yer alıb.
Sərəncama əsasən, uzunillik səhnə fəaliyyəti və Azərbaycan teatr sənətinin inkişafındakı xidmətlərinə görə Mingəçevir Dövlət Dram Teatrının aktyoru Asim Məmmədova Azərbaycan Respublikası Prezidentinin təqaüdü verilib.
Qeyd edək ki, Asim Məmmədov illərdir Mingəçevir teatr səhnəsində yaratdığı yaddaqalan obrazlarla tamaşaçı rəğbəti qazanıb. Onun Prezident təqaüdünə layiq görülməsi Mingəçevir teatr ictimaiyyəti və sənətsevərlər tərəfindən böyük sevinc və qürur hissi ilə qarşılanıb.
