Hindistan və Fransa xüsusi qlobal strateji tərəfdaşlıq barədə razılığa gəliblər.

Bunu Hindistanın Baş naziri Narendra Modi bildirib.

İki lider bu razılığa Nitsa şəhərində keçirilən danışıqlar zamanı gəliblər.

Modi Fransa prezidenti Emmanuel Makronla danışıqlarını son dərəcə məhsuldar adlandırıb. O, təmasların iki ölkə arasındakı münasibətləri yeni səviyyəyə qaldırmağa kömək etdiyini bildirib.

Hindistanın Baş naziri X sosial mediada yazıb: “Ölkələrimiz arasında uzunmüddətli dostluğu nəzərə alaraq, xüsusi qlobal strateji tərəfdaşlığa girərək münasibətlərimizi növbəti səviyyəyə qaldırmaq qərarına gəldik. Danışıqlarımız müdafiə, texnologiya, kosmik, təhlükəsizlik, terrorizmlə mübarizə, innovasiya və digər əsas sektorlarda əməkdaşlığın dərinləşdirilməsini əhatə edir”.

Modi qeyd edib ki, ölkələr mineral ehtiyatlar və texnologiya üçün daha güclü təchizat zəncirlərini təmin etmək məqsədilə iqtisadi təhlükəsizlik məsələləri üzrə əməkdaşlığa başlamaq barədə razılığa gəliblər.