ABŞ Prezidenti Donald Trampın administrasiyası Ukraynaya yardımı 99% azaldıb və eyni zamanda Rusiya ilə münasibətləri yaxşılaşdırmağa çalışıb.

Bu barədə “The New York Times” qəzeti yazıb.

Nəşrin məlumatına görə, Kiyevlə Vaşinqton arasında münasibətlər tədricən pisləşib və bu proses Ukrayna üçün uğursuzluqlar, eləcə də alçaldıcı hallarla müşayiət olunub.

Məqalədə qeyd olunur ki, prezident səlahiyyətlərinin icrasına başladıqdan bir ay sonra Tramp və ətrafı Ağ Evdə keçirilən görüş zamanı Ukrayna Prezidenti Volodimir Zelenskini alçaldıblar.

“The New York Times”ın iddiasına görə, Vaşinqton eyni zamanda Kiyevə dəstəyi kəskin şəkildə azaltmaq fonunda Moskva ilə münasibətləri normallaşdırmağa çalışıb.