İran ölkədə indiyə qədər dövriyyəyə buraxılmış ən böyük olan 10 milyon riallıq əskinas çıxarıb.

Bu haqda “Financial Times” məlumat yayıb.

“Tehran yeni 10 milyon rial əskinasını dövriyyəyə buraxır ki, bu da indiyə qədər tədavülə buraxılmış ən böyük əskinasdır. Hakimiyyət ABŞ-İsrail müharibəsi zamanı artan inflyasiyanın qarşısını almağa və nağd pula tələbatı ödəməyə çalışır”, – məlumatda bildirilir.

Təxminən 12 manat dəyərində olan yeni əskinasda Yəzddə 9-cu əsrə aid Came məscidi, arxa tərəfində isə 2500 illik Bam qalası təsvir edilib.

İran Mərkəzi Bankı qanun layihəsinin əhalinin nağd pula çıxışını təmin etmək üçün təqdim edildiyinə aydınlıq gətirib.