Azərbaycan xalqının taleyində silinməz iz qoymuş böyük şəxsiyyətlərdən biri Ulu Öndər Heydər Əliyevdir. Onun Azərbaycan dövlətçiliyinin möhkəmləndirilməsi, milli-mənəvi dəyərlərin qorunması və ölkəmizin inkişafı istiqamətində gördüyü misilsiz xidmətlər hər zaman minnətdarlıqla xatırlanır.
10 may xalqımızın dahi oğlu Heydər Əliyevin anadan olduğu gündür. Bu əlamətdar tarix Azərbaycan xalqı üçün xüsusi önəm daşıyır. Çünki Heydər Əliyev öz uzaqgörən siyasəti, qətiyyəti və xalqına bağlılığı ilə müasir Azərbaycanın qurucusu kimi tarixə adını qızıl hərflərlə yazdırmışdır.
Ulu Öndərin rəhbərliyi dövründə Azərbaycan böyük inkişaf yolu keçmiş, elmə, təhsilə və mədəniyyətə xüsusi diqqət göstərilmişdir. Musiqi və incəsənətin inkişafı üçün yaradılan şərait milli mədəniyyətimizin qorunub gələcək nəsillərə çatdırılmasına böyük töhfə vermişdir. Bu gün də Azərbaycan musiqisinin dünyada tanınması Heydər Əliyevin mədəniyyət siyasətinin uğurlu nəticələrindən biridir.
Müstəqil Azərbaycanın bu günü və gələcəyi Heydər Əliyev ideyaları üzərində qurulmuşdur. Onun “Mən həmişə fəxr etmişəm, bu gün də fəxr edirəm ki, mən azərbaycanlıyam” kəlamı hər bir vətəndaş üçün qürur mənbəyidir.
Bizlər də gənc nəslin vətənpərvər ruhda yetişməsi, milli dəyərlərimizə bağlı olması üçün Ulu Öndərin ideyalarını yaşatmağa və gələcək nəsillərə çatdırmağa çalışırıq.
Vüsal Məmmədov
Mingəçevir Şəhər Üzeyir Hacıbəyli adına 11 illik musiqi məktəbinin direktoru
