Regionda sürətli və dəqiq informasiya paylaşımı ilə seçilən Aran Media növbəti uğura imza atıb. Belə ki, Idealxeber.az xəbər portalının keçirdiyi sorğunun nəticələrinə əsasən, Aran Media Mərkəzi Aran bölgəsinin ən operativ xəbər səhifəsi seçilib.
Sorğuda iştirak edən oxucular və media izləyiciləri Aran Media-nın gündəlik hadisələrə çevik reaksiyası, xəbərlərin operativ və obyektiv şəkildə təqdim olunması, eləcə də regionda baş verən mühüm prosesləri vaxtında ictimaiyyətə çatdırmasını yüksək qiymətləndiriblər.
Əldə olunan nəticələrə əsasən, Aran Media təkcə bölgə üzrə deyil, ümumilikdə fəaliyyətinə görə də fərqlənərək “ilin ən operativ xəbər portalı” mükafatına layiq görülüb.
Qeyd edək ki, Aran Media son dövrlərdə xüsusilə sosial şəbəkələrdə geniş auditoriya toplayaraq, region xəbərlərinin əsas mənbələrindən birinə çevrilib. Platformanın dinamik inkişafı və oxucu etimadını qazanması onu yerli media məkanında ön sıralara çıxarıb.
Bu uğur Aran Media komandasının peşəkarlığının və informasiya sahəsində göstərdiyi fasiləsiz fəaliyyətin bariz göstəricisi kimi qiymətləndirilir.
