Yay boyunca Fransada maksimum hava temperaturu dəfələrlə rekord həddə çatıb və mövsümi normadan orta hesabla 4,8 dərəcə Selsi yüksək olub. Anomal istilər ümumilikdə 53 gün davam edib ki, bu da əvvəlki rekord göstəriciləri üstələyir. Müqayisə üçün qeyd edək ki, indiyədək ən isti mövsümlərdən biri sayılan 2022-ci ilin yayında cəmi 33 belə gün qeydə alınmışdı.

Mövsüm ərzində düşən yağıntının miqdarı normadan 40% aşağı olub. Ölkənin demək olar ki, bütün ərazisində misli görünməmiş quraqlıq müşahidə edilib, Fransa sahillərində dəniz suyunun temperaturu da rekord səviyyəyə çatıb.

İsti və quraq hava şəraiti kütləvi meşə yanğınlarına yol açıb. “Météo France”in qiymətləndirməsinə əsasən, 2026-cı il dəyən ziyanın həcminə görə rekord il ola bilər; yanğınlar artıq 100 000 hektardan çox ərazini əhatə edib. Atlantik okeanı sahillərində tüğyan edən irimiqyaslı yanğınlar səbəbindən 224 000 nəfər təxliyə olunub.