Mingəçevir şəhərində yaşıllıqların qorunması, park və xiyabanların daha səliqəli və baxımlı vəziyyətdə saxlanılması istiqamətində işlər davam etdirilir.
Şəhər İcra Hakimiyyətinin Yaşıllaşdırma və Sanitar Təmizlik İdarəsi tərəfindən Dostluq parkında otbiçmə və suvarma işləri həyata keçirilib. Görülən işlər nəticəsində park ərazisindəki yaşıllıqların sanitar vəziyyətinin yaxşılaşdırılması və ərazinin estetik görünüşünün qorunması təmin olunub.
Qeyd edək ki, bu kimi abadlıq və yaşıllıqlara qulluq tədbirlərinin şəhər ərazisində mütəmadi və plana uyğun şəkildə digər park və xiyabanlarda da aparılması nəzərdə tutulur.
Məqsəd şəhərin yaşıllıq sahələrinin qorunması, ictimai məkanların daim səliqəli vəziyyətdə saxlanılması və sakinlər üçün daha əlverişli mühitin yaradılmasıdır.
Esmira Hidayətova, Mingəçevir
