Susseks hersoginyası Meqan Marklın aktyorluq karyerasına qayıda biləcəyi ilə bağlı xəbərlər yayılıb.

Bu barədə “Mirror” nəşri yazır.

Məlumata görə, o, “Suits” (“Fors-majorlar”) serialındakı məşhur Reyçel Zeyn roluna qayıtmaq ehtimalı ilə gündəmdədir. Markl bu serialda 2011–2018-ci illər arasında çəkilib.

Televiziya sahəsindəki mənbələr iddia edir ki, layihənin yaradıcıları serialın hazırkı populyarlığından istifadə edərək yenidən ekranlaşdırma və ya xüsusi layihə hazırlamağı planlaşdırırlar. Meqan Markla həmçinin icraçı prodüser kimi də təklif irəli sürülə biləcəyi bildirilir.

Qeyd olunur ki, “Suits” serialı hazırda da “Netflix” və “Peacock” kimi platformalarda geniş izləyici auditoriyasına malikdir və əsasən Reyçel Zeyn obrazının populyarlığı ilə maraq doğurmağa davam edir.

Prodüser və ssenarist Aaron Korşun “Universal Pictures” rəhbərliyi ilə danışıqlar apardığı iddia olunsa da, hələlik rəsmi təsdiq yoxdur.