Birinci Qarabağ müharibəsində Vətənimizin müdafiəsi uğrunda qəhrəmancasına döyüşərək 1993-cü ildə Kəlbəcər istiqamətində itkin düşmüş, 33 ildən sonra nəşi tapılaraq doğma Mingəçevir torpağında dəfn edilən Şəhid Şahin Heydər oğlu Kərimovun əziz xatirəsi qarşısında dərin ehtiramla baş əyirik.
Şahin Kərimov gənc yaşlarında Vətənin çağırışına səs verərək Kəlbəcər rayonunun müdafiəsi uğrunda gedən ağır döyüşlərdə iştirak etmiş, yaralansa belə yenidən silahdaşlarının yanına qayıdaraq son nəfəsinədək torpaq uğrunda mübarizə aparmışdır. Onun göstərdiyi şücaət və vətənpərvərlik Azərbaycan gəncliyi üçün örnəkdir.
33 illik həsrətdən sonra nəşinin tapılaraq Mingəçevir Şəhidlər Xiyabanında torpağa tapşırılması bir tərəfdən böyük ağrı, digər tərəfdən isə müqəddəs bir borcun yerinə yetirilməsi deməkdir. Şəhidlərimiz xalqımızın qürur mənbəyidir və onların xatirəsi daim əziz tutulacaqdır.
Mingəçevir Dövlət Universitetinin professor-müəllim heyəti və tələbə kollektivi adından Şəhidimizin ailəsinə və yaxınlarına dərin hüznlə başsağlığı verir, Allahdan səbir diləyirəm. Uca Allah Şahin Kərimova rəhmət eləsin, məqamını cənnət etsin.
Şəhidlər ölməz, Vətən bölünməz!
Hörmətlə,
Anar Eminov
Mingəçevir Dövlət Universitetinin rektoru
