İtkin kimi qeydiyyatda olan Birinci Qarabağ müharibəsi şəhidi Şahin Kərimovun nəşi müəyyən edilib.
1973-cü il 16 dekabr tarixində Mingəçevir şəhərində anadan olan Şahin Kərimov Qarabağ uğrunda gedən döyüşlərdə Vətənin müdafiəsində iştirak edib. O, 8 aprel 1993-cü ildə ağır döyüşlər zamanı itkin düşmüşdü.
Uzun illər itkin kimi qeydiyyatda olan şəhidin nəşinin qalıqları aparılan araşdırmalar nəticəsində bu günlərdə müəyyən olunub.
Vida mərasimi 19 fevral tarixində Mingəçevir şəhərində keçiriləcək. Şəhid Mingəçevir Şəhidlər Xiyabanında torpağa tapşırılacaq.
Allah rəhmət eləsin!
