Bunu  avtomobil ustası Sahil Ağabəyli deyib.

Onun sözlərinə görə, hazırda 200 min kilometrə qədər yol qət edən və ciddi texniki problem yaşamayan Çin avtomobilləri var:

“Belə avtomobillərin heç bir hissəsində dəyişiklik edilməyib. Yalnız əyləc qəlibləri, yəni nakladkalar və yağ dəyişdirilib. Bundan başqa, heç bir ciddi təmirə ehtiyac olmayıb”.

S.Ağabəyli həmçinin qeyd edib ki, bu gün bəzi brend markaların elə avtomobilləri var ki, 100 min kilometr belə getmədən mühərriklərində zəncir uzanması və ya sürətlər qutusunda problemlər yaranır:

“İndi həmin brend markaların qiymətlərinə baxaq. 100 mindən, 200 mindən başlayan avtomobillərdir. Amma sən gedib 20 min, 30 min, maksimum 50 min manat civarında yeni avtomobil alırsan, həmin avtomobil 200 min kilometr gedir və yenə də narazılıq edirsən. Halbuki vaxtilə 100 min kilometr gedib mühərrikində problem yaranan, yüz minlərlə manat ödədiyin avtomobilə “of” demirsən.

Mən deyərdim ki, bugünkü gün Azərbaycanda olan Çin avtomobilləri qənaətbəxşdir. Hər kəsin öz büdcəsi var. Mən büdcəsinə uyğun başqa ölkələrin işlənmiş, ikinci-üçüncü əl avtomobillərini almaqdansa, yeni Çin avtomobili almasını tövsiyə edirəm”.