Bu barədə Türkiyə Prezidentinin Mətbuat xidməti məlumat yayıb.
Bildirilib ki, NATO-da ikinci ən böyük orduya malik olan və İranla həmsərhəd olan Türkiyə dəfələrlə müharibəyə son qoyulmasını tələb edib. Ankara Birləşmiş Ştatlar və İranla yanaşı Pakistan və Qətər kimi vasitəçilərlə sıx əlaqə saxlayır və iki tərəf arasında vasitəçi kimi çıxış edir.
“Ərdoğan İran və ABŞ arasındakı gərginliklə bağlı diplomatik imkanları maksimum dərəcədə artırmağın vacib olduğunu, danışıqların davam etdirilməsini səbirsizliklə gözlədiyimizi və Türkiyənin sülh səylərini dəstəkləməyə davam edəcəyini söylıəyib”, – açıqlamada qeyd olunub.
Ərdoğan və Tramp telefon danışığı zamanı ikitərəfli münasibətləri, Qəzzadakı müharibəni və Türkiyə, Səudiyyə Ərəbistanı və Pakistan arasında Məkkədə imzalanan müdafiə müqaviləsini də müzakirə ediblər. Türkiyə liderinin bu müqaviləni regional sabitlik və təhlükəsizlik məsələsində qətiyyətli mövqenin əlaməti kimi qiymətləndirdiyini qeyd edib.
R.T.Ərdoğan Türkiyənin Qəzza sülh prosesinin ikinci mərhələsinə keçməyi hədəflədiyi bir vaxtda İsrail administrasiyası tərəfindən fələstinliləri hədəf alan hərəkətlərin artdığını və Türkiyənin bölgədə davamlı sülh və Qəzzanın yenidən qurulması istiqamətində atılan addımları dəstəkləməyə davam edəcəyini vurğulayıb.
