Bu gün Mingəçevirin qürur ünvanlarından biri, 44 günlük Vətən müharibəsinin şanlı qəhrəmanlarından, döyüş meydanında göstərdiyi şücaətlə adını tarixə yazdıran qazimiz Ceyhun Həsənovun doğum günüdür!
Hər bir qazi bizim üçün müstəqilliyimizin, ərazi bütövlüyümüzün və milli ləyaqətimizin canlı təcəssümüdür. Ceyhun da o igidlərdəndir ki, torpaqlarımızın işğaldan azad edilməsi uğrunda ölümün gözünün içinə dik baxdı, yaralansa belə, ruhdan düşmədi, mərdliyi ilə həm döyüş yoldaşlarına, həm də gələcək nəsillərə nümunə oldu.
Onun keçdiyi döyüş yolu sadəcə bir hərbi uğur deyil, həm də sonsuz vətənpərvərlik dərsi, bir qəhrəmanlıq dastanıdır. Biz bugün azad və bütöv bir ölkədə nəfəs alırıqsa, bunu Ceyhun kimi Vətən fədailərinə borcluyuq.
Əziz Qazimiz!
Doğum gününüz mübarək olsun! Sizə möhkəm cansağlığı, uzun ömür və xoşbəxtlik arzulayırıq. Vətən müharibəsində göstərdiyiniz igidliyə görə sizə minnətdarıq. Qoy həyatınızın bundan sonrakı illəri zəfəriniz qədər parlaq, qürurunuz qədər uca olsun.
Sizin kimi igidlərimizlə fəxr edirik!
Vətən sağ olsun!
Esmira Hidayətova, Mingəçevir
