“Foreign Fruit” Məhdud Məsuliyyətli Cəmiyyətinin (MMC) külli miqdarda vergi borcu yaranıb.

Şirkətin Dövlət Vergi Xidmətinə 257.537,3 manat vergi borcu var.

Bu arada MMC-yə gömrük qaydaları əleyhinə olan İnzibati Xətalar Məcəlləsinin 485.2-ci (Mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi) maddəsi ilə protokol tərtib edilib və işə məhkəmədə baxılıb.

Məhkəmənin hökmü ilə Foreign Fruit” MMC 1 500 manat məbləğində cərimə edilib.

Qeyd edək ki, nizamnamə kapitalı 20 manat olan şirkətin qanuni təmsilçisi Abdullazadə Aydan Bayraməli qızıdır.