Mingəçevir şəhər 11 saylı tam orta məktəbdə şəhər polis şöbəsinin əməkdaşları növbəti narkomaniya və digər zərərli vərdişlərə qarşı maarifləndirici tədbir keçiriblər. ŞPŞ-nin rəisi,polis polkovniki Ədalət Əliyev və polis əməkdaşları orta ümumtəhsil müəssisələrində şagirdlərlə görüşür,onlarla narkomaniya və zərərli vərdişlərə qarşı maarifləndirici söhbətlər aparırlar. Bu dəfə də şagirdlərlə 4 aktual mövzu ətrafında maarifləndirici söhbətlər aparılıb.
Rəis şagirdlərə narkotik vasitələrin insan həyat və sağlamlığı üçün yaratdığı təhlükələrdən, sağlam gənc nəslin yetişməsindəki mənfi təsirlərindən danışıb. Həmçinin polis polkovniki polis olmaq arzusunda olan gənclərə öz məsləhətlərini verib,onlara akademiyanın tarixi, tədris prosesi, qəbul qaydaları və vətənpərvərlik mövzularında geniş məlumat verib.
Daha sonra çıxış edən Mingəçevir şəhər polis şöbəsinin Narkotiklərlə Mübarizə Qrupunun Baş Əməliyyat Müvəkkili, polis mayoru Emin Şirəliyev narkotik vasitələrin qanunsuz dövriyyəsi və onun törətdiyi fəsadlar barədə şagirdlərə məlumat verib. Video-çarx nümayiş olunub.
Tədbirdə digər polis əməkdaşları “Dini ekstremizm və radikalizm”, “Erkən nikah və onun fəsadları”, “Yol hərəkətinin təhlükəsizliy” ilə bağlı” mövzularda çıxış ediblər.
“Yol hərəkətinin təhlükəsizliy” ilə bağlı şagirdlərlə maarifləndirici söhbət aparan yol polisi əməkdaşı şagirdlərə yol hərəkəti təhlükəsizliyi qaydalarına, piyada keçidlərindən düzgün istifadəyə və işıqforun işarələrinə diqqətli olmağı tövsiyə edib.
Sonda şagirdlərə Polis Akademiyasının kursantların maddi, sosial təminatları və imtiyazları barədə məlumatlar videoçarx vasitəsilə ilə nümayiş etdirilib,şagirdləri maraqlandıran suallar cavablandırılıb.
Esmira Hidayətova, Mingəçevir
