“Bu gün Ermənistanda qəbul edilən bəyanatları və qanunvericiliyi nəzərə alsaq, Ermənistanın AİB və ya Aİ arasında seçim etməsini düzgün hesab edərdik”.

Bunu Rusiya Baş nazirinin müavini Aleksey Overçuk  deyib.
Overçuk əlavə edib ki, heç kim Ermənistanı AİB-dən çıxarmır; onlar sadəcə Aİ-yə qoşulmaq istədiklərini bildiriblər: “Qərar verməlidirlər. Bu nə qədər tez edilsə, hamı üçün bir o qədər yaxşıdır”.

Baş nazirin müavininin sözlərinə görə, Ermənistanın iştirakı həm də bütün AİB dövlətləri üçün daxili bazarlarını Ermənistan mallarına açmaq deməkdir. “Bu, daxili bazarımızda Ermənistan malları ilə rəqabətin artması deməkdir. Bu, həm də iqtisadiyyatlarımız üçün mütləq mənfi cəhət ola bilər.

Rusiyanın müttəfiqi kimi Ermənistan enerji resurslarına güzəştli qiymətlərdən istifadə edir. Ermənilər AİB-dən çıxmaq qərarına gələrsə, bu məsələlər sivil şəkildə həll edilməlidir”, – o əlavə edib.