Mingəçevir şəhər İcra Hakimiyyəti Mənzil Təsərrüfatı və Abadlaşdırma İdarəsinin 4 saylı Mənzil İstismar Sahəsinin sahə rəisi Rasim Mustafayev vəfat edib.
Məlumata görə, Rasim Mustafayev səhhətində yaranan ciddi problemlərlə əlaqədar xəstəxanaya yerləşdirilmişdi. Həkimlərin səylərinə baxmayaraq, o, 10 mart 2026-cı il tarixində müalicə aldığı xəstəxanada dünyasını dəyişib.
Qeyd edək ki, Rasim Mustafayev uzun illər kommunal təsərrüfat sahəsində çalışıb. O, fəaliyyət göstərdiyi müddətdə peşəkarlığı, məsuliyyəti və işgüzarlığı ilə kollektiv arasında hörmət qazanmışdı.
Mingəçevir şəhər Mənzil Təsərrüfatı və Abadlaşdırma İdarəsinin kollektivi Rasim Mustafayevin vəfatından kədərləndiyini bildirərək mərhumun ailəsinə və yaxınlarına dərin hüznlə başsağlığı verir, Allahdan rəhmət diləyir.
Esmira Hidayətova, Mingəçevir
