İsrail Hərbi Hava Qüvvələrinə məxsus qırıcı təyyarələr paytaxt Təl-Əviv yaxınlığında Ben-Qurion hava limanından qalxan Macarıstanın “Wizz Air” aviaşirkətinə məxsus təyyarəni müşayiət etmək üçün havaya qalxıblar.

Qırıcılar təyyarəni hava limanına geri qayıdanadək müşayiət ediblər.

Qeyd olunub ki, sərnişinlərdən biri qonşusunun telefonunun ekran görüntüsünü görüb və bunun təhlükəsizliyə təhdid olduğunu düşünüb.

“Təhlükəsizlik xidmətləri bu cür hallarda tətbiq olunan prosedurlara uyğun hərəkət edib və məsələ aydınlaşıb. Təhlükəsizliklə bağlı heç bir hadisənin baş vermədiyi müəyyən edilib”, – deyə İsrail Hava Limanları İdarəsinin açıqlamasında bildirilib.