İstedadlı musiqiçi və müəllim Amil Həsənovun mədəniyyət sahəsində pedaqoji fəaliyyətinin 15 ili tamam olur.
15 illik səmərəli müəllimlik fəaliyyəti, mədəniyyət və incəsənətin inkişafına verdiyi töhfələr nəzərə alınaraq Amil Həsənov Mərkəzi Aran Regional Mədəniyyət İdarəsi tərəfindən “Fəxri Fərman”la təltif olunub.
Uzun illər ərzində öz peşəsinə böyük sevgi və məsuliyyətlə yanaşan Amil Həsənov həm istedadlı musiqiçi, həm də gənc nəslin musiqi təhsilində mühüm rol oynayan pedaqoq kimi fəaliyyət göstərir.
Onun 15 illik pedaqoji fəaliyyəti ərzində musiqi sənətinin gənc nəslə aşılanması və istedadlı şagirdlərin yetişdirilməsi istiqamətində gördüyü işlər xüsusi qeyd olunmağa layiqdir.
Bu əlamətdar yubiley münasibətilə Amil müəllimi ürəkdən təbrik edir, ona möhkəm cansağlığı, ailə səadəti, yaradıcılıq fəaliyyətində uğurlar və pedaqoji fəaliyyətində yeni nailiyyətlər arzulayırıq.
15 illik pedaqoji fəaliyyətiniz mübarək olsun, Amil müəllim!
İdealxəbər.az, Mingəçevir
