Türkiyə Prezidenti Rəcəb Tayyib Ərdoğan komandasında dəşiyşikliklərə hazırlaşır.
Prezident Ərdoğan vəzifəsinin öhdəsindən gələ bilməyən komanda üzvləri arasında əhəmiyyətli dəyişikliyə hazırlaşır. Nəşrin yazdığına görə, sənaye və texnologiya naziri Mehmet Fatih Kaçir vəzifəsini itirə bilər. Buna səbəb Çin avtomobil istehsalçısı BYD-nin Manisa əyalətində 1 milyard dollarlıq elektrik və hibrid avtomobil zavodu layihəsinin dayandırılmasıdır. Zavodun əvvəlcə 2026-cı ildə açılması planlaşdırılsa da, nəticədə layihə gerçəkləşmədi.
Buna görə də Fatih Kaçir öz vəzifəsini itirməsi gözlənilir. Onun yerinə isə müdafiə sənayesi idarəsinin rəhbəri Haluk Görgün gətirilməsi gözlənilir.
Ətraf mühit naziri Murat Kurumun isə nəqliyyat və infrastruktur naziri Əbdülkadir Uraloğlunu əvəz edəcəyi gözlənilir. Bu, Bosfor boğazını keçərək İstanbul Kanalı layihəsi ilə bağlı yaranmış vəziyyətlə əlaqədardır. Ərdoğan bu layihəni 2011-ci ildə baş nazir vəzifəsində olarkən elan edib. Türkiyə hakimiyyət orqanlarının məlumatına görə, kanalın tikintisi 20 milyard dollara başa gələcək. Uraloğlu əvvəllər Türkiyənin layihədən imtina etmədiyini və maliyyə təmin edildikdən sonra onun icrasına başlayacağını bildirib.
Həmçinin ticarət naziri Ömər Bolat və gənclər və idman naziri Osman Aşkın Bakının da vəzifələrindən istefa verə biləcəkləri bildirilir. Səbəbləri açıqlanmayıb.
