“Krasnodar”ın yarımmüdafiəçisi və kapitanı Eduard Spertsyan Səudiyyə Ərəbistanının “Əl – Əhli” klubuna transfer olunub.

Bu barədə məşhur insayder Fabritsio Romano məlumat verib.

Romanonun sözlərinə görə, “Əl-Əhli” Spertsyan üçün Krasnodar klubuna 25 milyon avro ödəyəcək. Onun yeni klubunda tibbi müayinəsi artıq planlaşdırılıb.

26 yaşlı Eduard Spertsyan “Krasnodar”ın gənclər sisteminin yetirməsidir. O, “buğalar”da 185 oyun keçirib, 58 qol vurub və 50 məhsuldar ötürmə edib. Erməni futbolçu “Krasnodar”la 2024/25 mövsümündə Rusiya çempionluğunu qazanıb.