Misli Premyer Liqasında XXIX turun daha iki oyunu bu gün keçiriləcək.
İlk olaraq “Şamaxı” “Kəpəz”i qəbul edəcək.
Şamaxı şəhər stadionundakı qarşılaşma saat 16:00-da start götürəcək.
Meydan sahibləri 32 xalla 8-ci, Gəncə klubu 21 xalla 10-cu pillədə qərarlaşıb.
Günün ikinci görüşündə “Neftçi” və “Qarabağ” münasibətlərə aydınlıq gətirəcəklər.
“Palms Sports Arena”da matç saat 19:00-da başlayacaq. Ağdam təmsilçisi 56 xalla ikinci, “ağ-qaralar” 44 xalla dördüncüdür.
Qeyd edək ki, tura aprelin 27-də yekun vurulacaq. Ötən gün “Sumqayıt” “İmişli”ni iki cavabsız qolla üstələyib. “Qəbələ” – “Araz-Naxçıvan” oyununda qalib müəyyənləşməyib – 1:1.
