Ukraynadakı müharibəyə son qoymaq üçün yaxın gələcəkdə sülh danışıqları bərpa ediləcək.
Bunu ABŞ dövlət katibi Marko Rubio “Fox News”a müsahibəsində deyib.
“Növbəti bir neçə həftə ərzində Rusiya və Ukrayna arasında danışıqları yenidən yoluna qoyub bu müharibəyə son qoya biləcəyimizi görmək üçün müəyyən səylər göstəriləcək”, – Rubio qeyd edib.
O eyni zamanda, tərəflərin mövqelərini bir-birinə yaxınlaşdırmağın olduqca çətin olacağını və bunsuz nəticə əldə etməyin mümkün olmayacağını vurğulayıb.
“Hər iki tərəfin kifayət qədər sərt qırmızı xətləri var və bu qırmızı xətləri bir-birinə ən azı bir az yaxınlaşdırana qədər istənilən nəticəni əldə edə bilməyəcəyik”, – Rubio əlavə edib.
Rubio qeyd edib ki, ABŞ sülh danışıqlarını irəli aparmaq üçün istənilən fürsətdən istifadə etməyə hazırdır.
Qeyd edək ki, ABŞ Prezidentinin xüsusi elçisi Stiv Uitkof və Cared Kuşner avqustun ikinci yarısında Ukraynanın müstəqilliyinin 35-ci ildönümü münasibətilə keçiriləcək tədbirlər çərçivəsində Kiyevə səfər edəcıkləri gözlənilir.
Onu da xatırladaq ki, Rubio Lavrov son görşündə Kiyevin müharibədə yeni reallıq yatratdığını və buna görə də müharibəyə son qoymaq üçün sülh danışıqlarında yeni ideyalara və gündəliyə ehtiyac var.
