Ukrayna Prezidenti Volodimir Zelenski Kiyevdə həmkarı Maya Sandu ilə görüşüb.
Bu barədə Ukrayna lideri özünün teleqram kanalında məlumat yayıb
Görüşdə tərəflər təhlükəsizlik, enerji, infrastrukturun qorunması və hər iki ölkənin Avropa İttifaqına (Aİ) birgə inteqrasiyasını müzakirə ediblər. V.Zelenski bildirib ki, hazırda üzvlüklə bağlı bütün 6 klasterin operativ açılması istiqamətində iş aparılır.
Bundan əlavə, Ukrayna Prezidenti Transnistriya regionu ilə bağlı məsələlərdə Moldovaya dəstəyini ifadə edib və Rumıniya ilə üçtərəfli əməkdaşlıq formatını inkişaf etdirməyə hazır olduqlarını vurğulayıb.
Sonda dövlət başçısı Ukraynaya verdiyi dəstəyə görə Maya Sanduya və Moldova xalqına təşəkkür edib.
